Volvo FH er stundum kallaður eilífðarvélin

Hinn nýi Volvo FH er hið fullkomna val þegar kemur að þungaflutningum vegna mikillar getu og akstursþæginda - enda er hann kallaður eilífðarvélin frá Volvo. Hann hefur fyrir löngu sannað sig sem slíkur, en nú hefur verið bætt um betur því hinn nýi Volvo FH er búinn enn meira afli en áður, eða nýrri 13 lítra vél, sem hefur meiri slaglengd, stærri strokka og meira tog en fyrirrennarinn, D12D. Nýja vélin, D13A er léttari, krefst færri gírskiptinga, heldur hærri meðalhraða og eyðir minna eldsneyti. Nýr og enn fullkomnari gírkassi (I-shift) er til í þremur útgáfum, þar sem hver og ein tekur mið af burðargetu bílsins, umferðarþunga og aðstæðum hverju sinni. Útkoman er hagkvæmari orkunýting, þægilegri akstur og minni mengun, í samræmi við kröfur Evrópuríkja, sem eru þær ströngustu í heimi. Skoðaðu ítarlegan íslenskan bækling um nýjan Volvo FH neðst á þessari síðu Komdu og skoðaðu nýjan Volvo FH og kynnstu kostum hans með söluráðgjöfum Brimborgar á atvinnutækjasviði.