27.02.2007
SCR og AdBlue

Eftirmeðferð breytir útblæstri í vatn

SCR tækni notast við bætiefnið AdBlue sem er spýtt inn í útblástursgösin áður en þau fara í gegnum SCR hvarfakút. Í hvarfakútnum er nituroxíðunum breytt í skaðlaust niturgas og vatnsgufu – efni sem eru til í náttúrunni.

Kosturinn við SCR aðferðina er að hægt er að nota hana við Euro 4 og Euro 5 vélar. Sem dæmi má nefna að fyrir Euro 5 vélar er meira AdBlue sprautað inn til þess að draga enn frekar úr nituroxíðsmagni. Þegar efninu er bætt á Euro 4 vélar samsvarar það 3-4% af útblástursmagninu og sé því bætt á Euro 5 vélar samsvarar það 5-7% af eldsneytismagninu.

Einfalt kerfi með fáum hlutum

 Volvo SCR kerfið samanstendur í meginatriðum af AdBlue geymi sem staðsettur er við hlið hins staðlaða díselgeymis, AdBlue dælu, innsprautunareiningu og SCR hvarfakútur. Þetta felur í sér að vélin sjálf er ekki hluti af ferlinu – nema til þess að skila hámarks brennslugetu.

1. AdBlue geymirinn er staðsettur við hlið hins staðlaða díselgeymis.
2. AdBlue er dælt inn í útblástursgösin í öreindaformi. Nákvæm mæling tryggir bestu mögulegu blöndu fyrir hverja virkni.
3. Í SCR Catalyst er hinu eitruða nituroxíði breytt í niturgas og vatn. Hvarfabúnaðurinn er að fullu hluti af hljóðkútnum.

Auðvelt að festa aftan á vörubíl

Samanborið við díseleldsneyti tekur AdBlue ekki mikið pláss. Miðað við 4% blöndu þarf aðeins að bæta 40 lítrum af AdBlue við 1.000 lítra af dísel. Þessi nýting á AdBlue er í alltaf í föstu hlutfalli við díselnýtingu bílsins. AdBlue geymar eru fáanlegir í ýmsum stærðum, frá 30 til 120 lítra og eru geymarnir gerðir úr plasti eða áli.

AdBlue og hvarfaferlið

AdBlue samanstendur af ammóníakhvarfefni – þvagefni – og vatni. Varminn í útblásturskerfinu breytir þvagefninu í ammóníak (NH3) og koltvísýring (CO2). Það er ammóníakið sem er virka efnið og aðalinnihaldsefnið í hvarfaferlinu í SCR hvarfakútnum. Í efnahvarfaferlinu sem á eftir kemur hverfast nituroxíðin (NOx) í niturgas (N2) og vatnsgufu (H2O) en niturgas er náttúrulegur hluti í andrúmsloftinu. Allir mögulegir afgangar af ammóníaki eru fjarlægðir í hinum innbyggða Clean-Up hvarfakút.

SCR: Tækni morgundagsins – Uppfæranlegt í Euro 5* - Aukin vélarframmistaða

Brátt taka gildi í Evrópu strangari reglur um útblástur bíla og til þess að koma á móts við það hefur Volvo ákveðið að taka í notkun tækni sem kallast Selective Catalytic Reduction (SCR). Kerfi þetta gerir það að verkum að magn nituroxíða í útblæstri lækkar verulega vegna eftirmeðferðar á útblæstrinum. SCR tæknin gerir okkur jafnframt kleift að besta hina nýju kynslóð véla okkar þannig að eldsneytisneysla og efnisagnir í útblæstri eru í lágmarki. Frekari upplýsingar um SCR er hægt að fá hjá sölufulltrúa Volvo atvinnutækja hjá Brimborg.

Hvers vegna hefurðu valið SCR?

Kerfið er tiltölulega einfalt og einstaklega áreiðanlegt og í samvinnu við nýja kynslóð véla dregur það úr eldsneytisneyslu miðað við rútur dagsins í dag sem drifnar eru af Euro 3 vélum.

Gerir vörubíll með SCR meiri kröfur til ökumannsins en vörubílar dagsins í dag gera?

Útblástursgösin eru hreinsuð með viðbættu þvagefni sem nefnist AdBlue og er sprautað inn í útblástursgösin. AdBlue er geymt í sérstökum geymi og fylla þarf á efnið með hléum miðað við notkun þess. Neysla efnisins er um 4% af eldsneytisneyslunni (5% ef um er að ræða Euro 5 vélar).

Hvernig komumst við yfir AdBlue?

Boðið verður upp á AdBlue á hefðbundnum bensínstöðvum. Dreifingarkerfið stækkar ört og auk þess bjóða margir söluaðilar Volvo efnið til viðskiptavina á eigin eldsneytisstöðvum sínum víða um Evrópu.

Hvað gerist ef AdBlue geymirinn tæmist í akstri?

Ökumaðurinn fær að vita af því ef magn AdBlue fer niður fyrir visst mark. Tæmist geymirinn fær ökumaðurinn annað merki og SCR innspýtingarkerfið slekkur á sér. Vélin virkar hins vegar eðlilega. Hafa ber í huga að frá og með 1. október 2007 mun ganga í gildi reglugerð Evrópusambandins sem gerir kröfu um að geta Euro 4 véla verði heft uns AdBlue geymirinn er fylltur og starfhæfur.

Hefur AdBlue áhrif á frammistöðu vélarinnar eða millibil þjónustuskoðana?

Frammistaða hinnar nýju kynslóðar véla með SCR er betri en áður hefur þekkst. Miðað við vélar dagsins í dag er tíðni þjónustuskoðana sú sama eða lægri.

Er SCR tækni sem mun koma til móts við kröfur þær sem von er á um útblástur?

Með SCR komum við ekki einungis á móts við Euro 4 kröfur heldur getum við einnig mætt Euro 5 kröfum í þó nokkrum vélartegundum þegar frá upphafi framleiðslu. Þegar löggjafinn krefst þess, eða jafnvel fyrr, er hægt að uppfæra Euro 4 tegundir upp í Euro 5. Euro 5 vélarnar munu hafa sömu frammistöðu- og viðhaldskröfur og Euro 4 tegundirnar.

Hvenær verða vörubílar frá Volvo með SCR verða á boðstólum?

Þeir eru þegar á markaði.


* Euro 5 útblástursmagn